Partia Demokratike ka një dosje, e cila sipas gjasave, do të trondisë politikën shiptare. Ky është një paralajmërim që vjen nga ana e gazetarit, e njëherësh analistit Lorenc Vangjeli. Deklarata “bombë” është lëshuar prej tij në emisionin “Java”, në RTSH.
Ai tha se PD ka plotësuar një listë me biznese të drejtuara dhe në pronësi të personave të dënuar me vendime të formës së prerë. Ata kanë marrë tendera publikë.
“Ligji është si syri, shkelet ndonjëherë”, tha Vangjeli gjatë emisionit. Duket se paralajmërimet e dhëna edhe më herët nga ana e PD-së, së shpejti do të konkretizohen.
Analisiti ka rrëfyer edhe për një ngjarje tjetër, sipas tij shumë e rëndë, e cila nuk është bërë ende publike.
Sipas tij, një person shumë i afërt i një anëtari të rëndësishëm të kabinetit qeveritar është goditur. Pothuajse është masakruar nga një personazh shumë i njohur i botës së krimit.
“Të dy këta patën një marrëdhënie shumë të ‘çuditshme’ me njëri-tjetrin, në lidhje me një shumë prej disa dhjetëra mijëra eurosh”, tha Vangjeli.
