Napoli i Elseid Hysajt do të përballet sonte me Crvena Zvezdan në kuadër të Champions League, në stadiumin që njihet si “Marakana” i Beogradit. Stadiumi në fjalë njihet për tunelet e tij që të çojnë nga hyrja e stadiumit për në fushë apo në dhomat e zhveshjes së lojtarëve. Tunele të stërgjata të betonuara dhe me formë harku, të lyer me bojë të bardhë, tipike arkitekturë e vendeve komuniste, që dalje deri të fusha duket një jetë e tërë.
Për Hysajn do të jetë një rikthim në këtë stadium dhe në brendësi të këtij tuneli ku nuk ka aspak kujtime të mira. Ai rikthehet 4 vite pas “dronit” të famshëm që u ngrit në atë stadium në ndeshjen Serbi-Shqipëri, e cila më pas u kthye në një përleshje në fushë mes tifozëve dhe futbollistëve. Shqiptari do të jetë titullar në këtë sfidë dhe nuk do të pritet aspak mirë nga tifozët e CrvenaZvezdas, duke ditur që pjesa më e madhe e tyre janë edhe ultras të kombëtares.
Mediat italiane e kanë cilësuar këtë tunel si një ferr, ku do të kalojnë napolitanët para se të zbresin në fushë. Një ndrydhje shpirtërore dhe vrasje e vizionit deri sa të shohin dritën e prozhektorëve.
Pamja e tuneleve të stadiumit pas konfirmimit të pjesëmarrjes së Crvena Zvezdës në Champions League:
