Elseid Hysaj është përfolur shumë gjatë merkatos së verës për një largim të mundshëm nga Chelsea, por duket se kjo nuk ndodhi dhe ai do të vazhdojë nën urdhrat e Carlo Ancelottit. Napolitanët vazhdojnë fazën përgatitore dhe Hysaj ka folur për mikrofonat e “Luna Tv” për disa nga temat kryesore.
Mbrojtësi i Kombëtares shqiptare ka folur në veçanti për ardhjen në Serie A të 5 herë fituesit të “Topit të Artë, i cili iu bashkua Juventusit nga Real Madridi për 112 milionë euro. “Ronaldo nuk do ti shënojë Napolit. Siç e dimë të gjithë, ai është një lojtar i nivelit shumë të lartë. Më bëhet qejfi që ka ardhur në Itali, na stimulon shumë prania e tij. Markimi i tij është një sfidë, që më pëlqen. Ne jemi një grup i madh dhe një lojtar i vetëm nuk bën gjithçka. Të shohim si do të përshtatet në Itali. Një lojtar i vetëm mund të bëjë dieferencën në një ndeshje të caktuar, por jo përgjatë gjithë kampionatit”.
Hysaj gjithashtu foli edhe për interesimin nga ana e londinezëve të Chelsea: “Ndodhi kur isha me pushime, por nuk mendoja se do të largohesha. Pastaj kisha klauzolë largimi 50 milionë euro. Tani jam këtu për të bërë më të mirën. Te Napoli ndihem shumë mirë, familja ime gjithashtu. Shpresoj të fitoj diçka me këtë skuadër”.
