Elseid Hysaj ishte lënë pushim në ndeshjen e fundit ku Napoli mposhti Parmën me rezultatin e pastër 3-0. Në vend të shqiptarit, Carlo Ancelotti hodhi në fushë francezin Malkuit, i cili bëri një paraqitje mjaft të mirë.
Mediat italiane e kanë vlerësuar maksimalisht lojën e mbrojtësit të djathtë, që erdhi gjatë merkatos së verës dhe që ndryshe nga Hysaj, ka bërë mirë në lojën sulmuese, duke hedhur më shumë topa të rrezikshëm në zonën kundërshtare.
Elseid Hysaj, mbrojtësi i Kombëtares kuqezi, tashmë duhet të shqetësohet, sepse ka një konkurrent të fortë për postin e titullarit te Napoli. Ndoshta Malkuit nuk mbron aq sa shkodrani, por dihet që trajnerit Ancelotti i pëlqejnë më shumë anësorët që shtyjnë përpara.
