jë nga elementët më të spikatur në Kombëtaren shqiptare të futbollit është padyshim Elseid Hysaj.
Mbrojtësi i përfaqësueses, para fillimit të grumbullimit me kuqezinjtë, ka folur përmediet shqiptare rreth ndjesisë së bashkimit përsëri me Kombëtaren ku tashmë drejton Kristian Panuçi, me të cilin deri tani ka kontaktuar vetëm nëpërmjet telefonit apo studiove televizive.
Për grumbullimin në Kombëtare pas një ndeshjeje pushim me klubin
“Jam më i freskët për këto dy ndeshje, meqë isha i skualifikuar me klubin. Të shohim si do të jetë me trajnerin e ri dhe do të jemi në fushë gati për duelin”.
Për kontaktin me Panuçin
“Duhet ta takoj, ta shoh, të prezantohemi ‘live’, që ta di edhe unë si është si trajner”.
Pritshmëria për sfidat e shtatorit
“Presim të tregojmë potencialin tonë, ashtu si kemi luajtur ndeshjet që kemi fituar më parë. Kemi grup të fortë, tani të marrim çdo gjë që do të na tregojë ky trajner i ri dhe shpresojmë të ecim mirë”.
Vështirësitë e sfidave me Lihtenshtejnin dhe Maqedoninë
“Me Lihtenshtejnin kemi vuajtur pak, por ditëm t’ia dalim. Maqedonia është skuadër pak më e fortë se Lihtenshtejni, mendoj se do të jetë një ndeshje e bukur, e fortë. Por më përpara të mendojmë për Lihtenshtejnin, pastaj për Maqedoninë”.
