Napoli dështoi edhe këtë sezon që të shpallet kampion i Italisë pavarësisht se ishin shumë pranë. Tashmë duket se një frymë e re do të vijë tek napolitanët dhe pritet që të ketë disa largime. Emri më i diskutuar kohët e fundit është ai i mbrojtësit shqiptar, Elseid Hysajt, për të cilin nuk mungon interesi nga ekipet e mëdha. 
Destinacioni më i mundshëm i Hysajt është Anglia dhe pikërisht Chelsea. Mbrojtësi i kombëtares shqiptare ka postuar pak më parë në rrjetin social “Instagram” se është duke fluturuar drejt Londrës, pikërisht në Mbretërinë e Bashkuar, aty ku janë të interesuara disa skuadra të Premier League për të pasur shërbimet e tij për sezonin e ardhshëm.
Hysaj është ftuar sërish në miqësoret e radhës nga Panucci, por duket se ai po punon për të qartësuar edhe të ardhmen, ku nuk mungon interesimi edhe nga Bayer Munich dhe PSG. Por, më afër duket se janë ekipet angleze, të cilat kanë shkruar shpesh për mundësinë e kalimit të tij te Chelsea, Manchester United apo tek Arsenal. Megjithatë, ky fluturim misterioz pritet që të zbardhet brenda pak kohësh.
Duke iu referuar dhe lajmeve të orëve të fundit, pikërisht të kalimit të Mauricio Sarri-t te pankina e Chelsea-, shtohen më tepër zërat se Hysaj do të udhëtojë së bashku me ish-trajnerin e tij te Napoli për në kampionatin anglez.
