Hyn në histori, Zidane: Meritë e lojtarëve, Ronaldo nuk dështon kurrë

Zinedine Zidane bëhet trajneri i parë në histori të Los Blancos që fiton pesë trofe (La Liga, Liga e Kampionëve, Superkupa e Evropës, Superkupa e Spanjës dhe Kupa e Botës për Klube). Real Madridi e ka mposhtur 1:0 Gremion për të mbrojtur titullin e Kupës së Botës për Klube dhe për të hyrë në histori. Ai la prapa Carlo Ancelottin që kishte fituar katër trofe (Copa del Rey, Superkupën e Evropës, Champions League dhe Kupën e Botës për Klube).

Pas fitores së sotme përballë Gremio ku siguruan edhe trofeun e pestë sezonal, Zidane është shprehur se e gjithë merita është e lojtarëve. Pasi janë ata që japin maksimumin në fushë dhe kanë bërë të mundur suksesin e Real Madrid në vitet e fundit. “Arritëm të bëjmë një ndeshje të kompletuar. Ishim serioz prej fillimi, jemi të lumtur. Nuk ishte e lehtë. Këto rekorde i takojnë lojtarët të mi, të cilët janë aty dhe po luajnë. Jam i lumtur për ata.”

Tekniku francez është mjaft i lumtur me paraqitjet e Ronaldos dhe shpreson që të rinovojë që ditën e sotme, pasi ai është gjithmonë aty kur ekipi ka nevojë. “Është vetëm një Cristiano. Në momentet kyçe ai është gjithmonë aty. Ai kurrë nuk dështon. Do doja që ai të rinovonte tani. Një ndeshje e mirë para El Clasicos. Ta shikojmë tani dhe pastaj të përgatitemi për fundjavë”, është shprehur Zidane. Reali e Barça luajnë të shtunën nga ora 13:00.