Piktori i njohur korçar, Sotiraq Xega, është ndarë nga jeta në moshën 76-vjeçare. Xega njihet jo vetëm si vëzhgues i kujdesshëm i detajeve, por dallon për stilin e veçantë të punimeve.
Sotiraq Xega është një nga piktorët më të njohur në qytetin e Korçës. Ai është prezantuar për artdashësit me shumë ekspozita personale, ndërsa ka marrë pjesë me punimet e tij në një sërë aktivitetesh, në nivel lokal dhe kombëtar.
Sotiraq Xega kohët e fundit ekspozitat e tij i ka çelur në natyrë, pasi ia kishin ndaluar të bënte një gjë të tillë në mjedise ku ekspozonin dhe piktorë të tjerë.
Ekspozita e fundit e Xegës ka qenë ajo e manave të Drenovës, ekspozitë të cilën e paraqiti për miqtë kryesisht, në një prej rrugicave të fshatit të njohur turistik.
