Interi e nisi si mos më keq sezonin, pasi u mposht në transfertë nga Sassuolo. Pritej më shumë nga skuadra e Spallettit, por ajo që u pa në fushë ishte me të vërtetë trishtuese, një ekip pa ide. Humbja përkthehet në 3 pikë më pak se rivalët që në startin e kampionatit dhe duket se do të jetë një nisje e vështirë deri në momentin që skuadra do të japë më të mirën.
Në stërvitjen e parë pas humbjes, Spalletti ka pasur një përballje me futbollistët e tij dhe britmat nuk kanë munguar. Trajneri është gjobitur nga “Lega Seria A” me 10 mijë euro për shkak se sipas tyre ai ka ofenduar arbitrin e ndeshjes. Përveç gjobës është dhënë edhe një paralajmërim për numrin 1 të stolit të ziklatërve.
Ndërkohë edhe Walter Mazzarri, trajneri i Torino-s, gjithashtu ka marrë një paralajmërim pas gjesteve të tij në fushë teksa është ankuar për disa vendime në humbjen ndaj Roma-s. Interi në javën e dytë do të presë Torinon në “San Siro” dhe pritet që në formacionin zikaltër të ketë të paktën 5 ndryshime.
