Trajneri i Juventusit, Maximo Allegri, është shprehur se ishte i befasuar nga strategjia e Atletico Madrid në ndeshjen e raundit të parë të Ligës së Kampionëve, e cili përfundoi me një fitore 2-0 nga spanjollët.
“Ishte një pjesë e dytë e keqe, sepse kemi bërë gabim ndaj Atletico-s. Ata u treguan të zotë duke na diktuar lojën e tyre dhe në fund e arritën qëllimin. Ne rrezikuam me kundërsulme, por nuk e arritëm qëllimin. Ata ishin shumë më agresivë në fund dhe na kapën në befasi”, – tha trajneri italian, i cili beson se në ndeshjen e kthimit, në shtëpi, do të marrë një rezultat fitues.
“Kemi ende një mundësi. Ne duhet të besojmë dhe ndoshta të vdesim në fushë. Ne e dinim se do të ishte e vështirë dhe se Atletico do të na detyronte të luanim dobët. Ishte një zhgënjim, por mund të rikthehemi. Nuk do të jetë e lehtë. Ne duhet të bëjmë një lojë të mirë në shtëpi, përderisa është e mundur edhe ne duhet të besojmë”.
Raundi i dytë do të luhet në “Allianz Stadium” dhe duket se bardhezinjtë nuk janë dorëzuar./ TIRANA TODAY
