Gazetarja Rudina Xhunga ka deklaruar se largimi i Besa Shahinit nga posti i ministres së Arsimit ishte gjëja e duhur.
Gjatë një interviste për News24, Xhunga theksoi se Shahini kishte shpërdoruar një “shans historik”. Gazetarja thotë se ajo pati shansin të përfitonte nga nisja e vitit të ri shkollor në kohë pandemie, por sipas Xhungës, Shahini vuri familjen e vet përpara detyrës.
“Ndoshta Ramës iu sosën nervat dhe e hoqi. Shumë mirë që Besa Shahini nuk është më ministre, asaj iu dha shansi të ishte një ministre një moment historik. Dhe mendoj se në një moment të tillë njerëzit përfitojnë. Përfitojnë duke i hedhur dorën në shpatull tjetrin. Besa Shahini tha që unë do mendoj për familjen time, ju mendoni për tuajën. Mendoj që edhe unë po të isha do ta kisha larguar në sekondë. Mendoj që kemi nevojë për njerëz që e shohin gotën gjysmë plot”, tha ajo.
