Zgjedhjet lokale që do të mbahen në katër komuna në Mal të Zi, përfshirë këtu edhe zgjedhjet në Malësi po u afrohet data, që është përcaktuar 26 nëntori i këtij viti.
Në këto zgjedhje në trevën e Malësisë do të garojnë nëntë lista, tri nga ato janë subjektet shqiptare, ASH, UDSH dhe LDSH.
Sikur mund të vërehet kohëve të fundit që listat në fjalë kanë filluar përgatitjet, gjegjësisht fushatat për këto zgjedhje. Çdo subjekt në mënyrën e vet përdor metoda për të konstatuar situatën në terren, pozicionin apo edhe besimin që kanë ndër votues. Disa përdorin edhe hulumtime, këto më së shumti i bëjnë subjektet qytetare, sepse kostoja e tyre është shumë e madhe.
Portali ynë ka arritur, që përmes burimeve të sigurta të ketë në përdorim një hulumtim të realizuar para disa ditëve në Tuz. Pra ky hulumtim u realizua në Tuz, nga një kompani prestigjioze nga Podgorica.
Para lexuesve tanë do të paraqesim rezultatet e këtij hulumtimi për Malësisë, që vijon si më poshtë:
Sipas këtyre hulumtimeve lista më e fortë del PDS, me 12 mandate, e pasuar nga Alternativa Shqiptare me 10 mandate. Nga dy mandate në këto zgjedhje do t’i fitonin LDSH, UDSH dhe Demokratët. Kurse nga një mandat do të fitonin Partia Boshnjake, SDP, SD si dhe SNP.
Këtu duhet potencuar që SDP dhe SNP janë në limit për të hyrë në Parlamentin lokal.
Sipas këtyre hulumtimeve DPS me partnerët e vet të deritashëm, UDSH, SD dhe BS nuk mund të fitojnë shumicën në Parlamentin lokal./ Tirana Today
