Gazetari Artan Hoxha deklaron se njëri prej grupeve kriminale në Elbasan nuk preket. I ftuar në “Tonigh Ilva Tare” në Ora News, Hoxha tha se grupet kriminale atje veprojnë prej 15 vitesh lëvizin me eskortë dhe armatim të rëndë, me suport të aleancave politike që kanë.
Gjithashtu, Hoxha komentoi edhe hedhjen në erë të makinave çdo 2-3 ditë. Ai tha se po te pyesësh qytetaret se e kujt ishte makina, e dinë shumë mirë e ta thonë emrin, por mediat s’e raportojnë.
“Për çdo 2-3 ditë hidhet ndonjë makinë në erë në Elbasan, po te pyesësh qytetaret se e kujt ishte makina, e dinë shumë mirë e ta thonë emrin, por mediat s’e raportojnë.
Sot në Elbasan ka grupe që veprojnë prej 15 vjetësh dhe që përfitojnë nga aleancat politike, lëvizin me eskortë dhe me armatime të rënda. Si ka mundësi që ti të kesh vrarë tre oficerë policie dhe të të mos ketë hyrë gjemb në këmbë dhe nuk të heton njeri. Si është e mundur që ti të sulmosh skuadrën operacionale ditën për diell dhe të fajësosh skuadrën operacionale që është duke të vëzhguar.
Politika të ndihmon duke mos e përmendur. Çapajt dhe Çelajt. Çelajt janë në kërkim. Po Çapajt? Janë në qendër të Elbasanit. Vitin tjetër janë zgjedhjet dhe ju duhet. Si ndikon politika? Emërimet. Drejtorin e policisë. Si ka mundësi që prokurori shkoi për hetime se lanë as për dy muaj. Çfarë ndodhi me prokuroren e përkohshme? Ajo e bëri këtë veprim. Morën frikë atje dhe panë që shteti po lëvizte. Po e tha Donald Lu është peshk i madh. E dini kush janë personat më të kërkuar sot? Klement Balili dhe Jaled Çela sepse këta janë përmendur në tavolina politike. Lexojmë në mediat botërore dhe kërkojmë emrin e ti,” deklaroi Hoxha.
