Në Maqedoni temë e ditës është kthyer diskutimi për komunitetin LGBT. Rreth kësaj teme ka reaguar edhe Komiteti i Helsinkit në Maqedoni duke dënuar deklaratat homobofe të disa deputetëve, që sipas komitetit, përmes gjuhës diskriminuese dhe të urrejtjes, degradojnë komunitetin LGBT. Sipas tyre, kjo është në kundërshtim me reformat dhe veprimin politik për të cilin është deklaruar qeveria e re. Komiteti ia rikujton qeverisë premtimet për të ndërtuar një shoqëri për të gjithë, ku do të sanksionohet diskriminimi dhe gjuha e urrejtjes.
Dje, në Kuvend, deputeti i Lëvizjes Besa, Afrim Gashi, reagoi ashpër ndaj fjalimit të deputetit të BDI-së Branko Manajllovski, duke thënë se për Lëvizjen BESA dhe për shqiptarët në Maqedoni nuk janë të pranueshme asnjë lloj tjetër vlere përveç familjes tradicionale. Manajllovski po vazhdon të kërkojë fundin e diskriminimit që sipas tij i bëhet komunitetit homoseksual në vend.
