Holanda kohët e fundit ka deportuar 50 shtetas shqiptarë nëpërmjet një fluturimi të veçantë ku i ka dërguar në Tiranë, ka bërë të ditur agjensia e lajmeve ANP të premten.
Prej tyre, katër jetonin ilegalisht Belgjikë dhe pjesa tjetër ishin në Holandë. Shumica ishin duke u mbajtur në qendrat e deportimit.
Qindra shtetas shqiptarë kanë kërkuar azil në Holandë, por rastet e tyre nuk kanë asnjë shans për sukses, sepse Shqipëria konsiderohet një vend i sigurt.
Holanda dhe Shqipëria ranë dakord në 2016 për të punuar së bashku në deportimet masive dhe kishte fluturime të mëparshme në 2016 dhe 2017.
Në fillim të vitit 2016, shqiptarët përbënin grupin më të madh të të sapoardhurve që kërkonin statusin e refugjatëve në Holandë.
Dhe në shtator të atij viti, ministria e drejtësisë hoqi dorë nga pagesa prej 200 eurove që qeveria i kishte paguar të gjithë azilkërkuesve të dështuar që u larguan vullnetarisht nga vendi. TIRANA TODAY
