Triumf historik. Gjimnasti Matvei Petrov, i cili përfaqëson Shqipërinë, ka rrëmbyer medaljen e arit në Kupën e Botës në Gjimnastikën Artistike, kompeticion i zhvilluar në Osijek të Kroacisë.
Një sukses fantastik ky për Shqipërinë, që mban gjallë shpresën për medaljen e parë në historinë e Shqipërisë në Lojërat Olimpike Tokio 2020.
Sportisti rus që garon për flamurin shqiptar, arriti të linte pas kazakun Nariman Kurbanov, si dhe Meszarosin. Gjimnasti Matvei stërvitet nga trajneri shqiptar Alon Hasa.
”HISTORIKEEEEEE. Gjimnasti yne Matvei Petrov rremben medalje ari ne Kupen e Botes ne Gjimnastike Artistike, ne Osijek te Kroacise. Ky eshte nje emocion i papershkrueshem qe na mban gjalle shpresen per medaljen e pare ne histori te Shqiperise ne Lojerat Olimpike Tokyo 2020. Urimeeee Matvei dhe trajneri Alon Hasa”, shkruan Komiteti Olimpik Kombëtar Shqiptar.
