Reali i Madridit ka fituar për herë të 12-të titullin e Ligës së Kampioneve ndërsa ka hyrë në histori si ekipi i parë që e mbron këtë trofe dy vite radhazi.
Madrilenët mposhtën me rezultatin 4-1 Juventusin i cili pritej të jepte shumë në këtë finale. Por, trumbetimi i madh duket se përfundoi në një flluskë.
Të parët ishin madrilenët që hapën siparin e golave me anë të Ronaldos në minutën e 21, ndërsa bardhezinjtë iu përgjigjën me anë të Mandzukiç.
Loja dukej se do të ishte e ekuilibruar të paktën deri në minutën e 61 kur Casemiro me anë të një gjuajtje që nga jashtë zonës i çoi shifrat në 1-2, por Ronaldo ishte i padurueshëm për të shënuar aq sa vetëm dy minuta më pas mposhti Buffonin.
Një rezultat që nuk pritej nga ana e Juventusit, të cilit gjyqtari i shkurtoi edhe formacionin numerik duke nxjerrë me të kuqe Kuadradon pas një përplasjeje me Sergio Ramos.
Juventusi pothuajse u dorëzua. Për ta shënjuar edhe më shumë këtë disfatë të Zonjës së Vjetër, mendoi edhe Assensio duke shënuar golin e katërt në minutën 90 dhe duke i dhënë Realit të Madridit trofeun e 12-të në histori dhe ekipi i parë që e mbron dy herë radhazi këtë titull.
Festa e madrilenëve për fitoren e trofeut të 12-të të Ligës së Kampioneve
http://www.dailymotion.com/video/x5p0631_real-madrid-uefa-champions-league-winners-2016-2017-trophy-celebration_sport
