Historia e futbollistit nga Gaboni ka tronditur gjithë botën e futbollit. Bëhet fjalë për Shiva N’Zigou i cili ka një karrierë profesioniste me mbi 100 ndeshje në kampionatin francez dhe 24 me kombëtaren e tij. Por historia e jetës së tij është një ‘tmerr’ ku i ati i ka vrarë të ëmën dhe ai ka bërë seks me tezen dhe motrën e tij, po ashtu edhe me një mik të ngushtë.
Ish-sulmuesi i Nantes, N’Zigou, i ka treguar të gjitha këto në një intervistë të dhënë për “TV2” në një kishë në afrikane.
“Mamaja ime ka vdekur dhe dua të bëj një zbulim, ajo u sakrifikua. Firmosa shumë kontrata dhe babi im i donte të gjitha paràtë për vete. Më kërcënoi duke më thënë se do të vriste mamanë time. Unë i thashë mos ta bënte, por ai e bëri. E bëri që shpirti i saj të ishte një sakrificë për karrierën time,” – tregon Shiva N’Zigou, për habinë e të gjithëve. Më pas, duke folur për familjen e tij dhe tregon diçka tjetër të bujshme, skandaloze: “Kur isha shumë i ri pata marrëdhënie seksuale, në dy raste me tezen time. Një herë me motrën time dhe gjithashtu me shokun tim të ngushtë.”
Shiva N’Zigou, ka luajtur nga viti 2001 në 2010 me skuadrat franceze të Nantes dhe Reims. N’Zigou gjithashtu thotë se prindërit e tij e kanë marrë pasaportën e tij në fillim të karrierës për ta bërë atë pesë vjet më të ri. Deri tani dihej që ai ishte 34 vjeç, por në të vërtetë ai është 39 vjeç. Në vitin 2000, N’Zigou u bë lojtari më i ri që ka shënuar në Kupën e Kombeve Afrikane, kur ai shënoi për Gabonin në një humbje 3-1 me Afrikën e Jugut ishte në moshën 16 vjeç e 93 ditë. Megjithatë, ky zbulim i kohëve të fundit do të thotë se ai në të vërtetë ka qenë 21 vjeç në atë kohë.
