“Romanca Madhështore e Derbit” mbush sot 110 vite dhe, për të gjykuar pritshmëritë për ndeshjen e së dielës, të ndihmon të kujtosh se si ishte derbi i parë. Gazzetta dello Sport rikthehet mbrapa në kohë, duke na sjellë ndërmend datën 17 Tetor 1908, dite kur u zhvillua ndeshja e parë midis dy ekipeve të një qyteti, midis Milan-it dhe Inter-it.
Ndeshja u zhvillua në Chiasso, në Zvicër, e vlefshme për Kupën Chiasso, në të cilën merrnin pjesë katër ekipe zvicerane, Chiasso, Ausonia, Lugano dhe Bellinzona.
Në tren, skuadrat udhëtojnë përballa njëra-tjetrës, duke gatuar edhe mëngjesin tipik bukë me sallam. Të gjithë së bashku. “Sapo arrijnë ne Chiasso lojtarët nisen drejt hotelit, që do të akomodohen prej disa ditësh” – shkruan Gazzetta.
“Në mëngjes të ditës së dielës është programuar të luhen ndeshjet kualifikuese, ndërsa pasdite do të luhen gjysmëfinalet dhe finalja. Milan-i mposht Bellinzona-n, Inter-i nxjerr jashtë kompeticionit Ausonia-n, ndërsa Chiasso likuidon Lugano-n”.
Tashmë është mesditë, dhe koha për të ngrënë mbas ndeshjeve të para, lojtarët do të shkojnë të hanë tek “Grotta della Giovannina”.
“Ndërkohë, organizuesit e turneut bien dakord që të hedhin një short: ka kohë për të bërë vetëm një gjysmëfinale dhe më pas finalen. Ndeshja e parë që do të zhvillohet është Milan-i kundër Chiasso-s (ku fiton me rezultatin 2-0) dhe zikaltrit që tresin dreken dhe bëhen gati për finalen”.
Në pasditen e parë, nën urdhërat e arbitrit Bollinger te Bellinzona-s, Internazionale dhe Milan zbresin në fushë për të luajtur finalen e trofeut.
Milani luan me: Radice, Glaser, Sala, Bianchi, Steltzer, Meschia, Lana, Madler, Forlano, Laich, Colombo.
Interi përgjigjet me: Campelli, Fonte, Zoller, Yenni, Fossati, Stebler, Capra, Peyer, Peterly, Aebi, Schuler.
Njeriu simbol për kuqezinjtë është Pierino Lana, 20 vjeç, mesfushor me karakteristika optimale teknike. E thërrisnin “këmbësori”, sepse ishte i shkurtër, por çfarë atij i mungonte në gjatësi, e rikuperonte me shpejtësi, shkathtësi dhe dinakëri.
Zikaltrit i besojnë klasit të Virgilio Fossatit, mediano, kapiten dhe trajner: një qenie gjithçkabërëse. Për ti dhënë ndihmë në fushë është edhe Ermanno Aebi, 16 vjeç, mesfushor, i biri i një mamaje italiane dhe babai zviceran. Internazionale është një skuadër e mbushur me të huaj, dhe kështu e nderon emrin e ekipit.
“Por Milan-i është më i fortë dhe kjo kuptohet në ndeshjet e para. Ne fillim Lana më pas Forlano fiksojnë rezultatin 2-0 ne fund te pjesës së parë (që ishte 25 minuta sipas rregullave të turneut). Ne pjesën e dytë (gjithmonë 25 minuta), Inter-i ngushton rezultatin me Payer, por nuk arrin të marrë barazimin. Mbaron 2-1 për “il Diavolo“.
Kuqezinjtë festojnë dhe marrin trofeun në shtëpi. 2 000 spektatorë (tifozë) duartrokasin, dhe janë entuziast për lojën madhështore. Organizatorët mbyllin ciklin e shpërndarjes së premiove, kryejnë llogaritë: kanë bërë 400 franga zvicerane, që në ditët e sotme janë shumë pak.
“Djemtë e Milan-it dhe Inter-it vrapojnë drejt stacionit për të kapur trenin: duhet të kthehen sa më shpejt në Milano, nesër është e hënë, ka nga ata që duhet të jenë në punë, ka nga ata që nuk mund të mungojnë në apelin në shkollë. Futbolli është i bukur, por nuk të siguron akoma jetesën”./TIRANA TODAY/
