Sa i takon vrasjes së Kostandinos Kaçifas, sot është paralajmëruar për një protestë. Tubimi do të ndodhë para gjykatës së Selanikut në Greqi, në orën 18:30 me orën lokale. Ngjarja e rëndë ka sjellë tensione diplomatike mes dy vendeve.
35-vjeçari humbi jetën të dielën, gjatë një shkëmbimi zjarri me forcat RENEA në fshatin Bularat të Gjirokastrës. Sakaq, mbrëmjen e së martës, protestuesit grekë dogjën flamurin shqiptar, gjatë një tubimi të zhvilluar në Athinë.
Akti ndaj simbolit tonë kombëtar, sipas mediave greke, ka ndodhur gjatë protestës për vrasjen e 35-vjeçarit nga fshati Bularat i Gjirokastrës, të cilën mediat greke e quajnë Epiri i Veriut.