Në Himarë, mbrëmjen e sotme, ka mbetur i plagosur një shofer taksie. Ngjarja ka ndodhur në aksin rrugor Himarë-Llogara, në fshatin Palasë.
Mësohet se shtetasi B.G, 70-vjeç, është qëlluar me armë zjarri në krahë nga dy shtetas, të tjerë të cilët ishin pasagjer në mjetin e tij.
Taksisti i plagosur është transportuar në Spital për të marrë mjekimin e nevojshëm, aktualisht jashtë rrezikut për jetën.
Njoftimi i policisë
Më datë 19.12.2017, Salla Operative Himarë është njoftuar nga një telefonatë se në aksin rrugor Himarë – Llogara, në fshatin Palasë është plagosur me armë zjarri një shtetas.
Shërbimet e Policisë shkuan menjëherë pranë vendit të ngjarjes dhe kanë konstatuar se në fshatin Palasë shtetasi B.G., 70 vjeç, (shofer taxie), është qëlluar me armë zjarri dhe ka mbetur i plagosur në krahë prej dy shtetasve të tjerë të cilët ishin pasagjer.
Shtetasi B.G., është transportuar në Spital për të marrë mjekimin e nevojshëm, aktualisht jashtë rrezikut për jetën. Policia ka ngritur pika të shumta kontrolli me qëllim kapjen e autorëve. Grupi hetimor po punon për zbardhjen e plotë të rrethanave të ngjarjes.
