Është Juventusi që po dominon në supersfidën me Milanin në “San Siro”, pas atij goli të shënuar nga Higuain në këtë pjesë të parë. Bardhezinjtë e kanë nisur më mirë sfidën duke marrë kontrollin e lojës dhe duke kërkuar më shumë golin me Dybala, Pjanic dhe Higuaine. Dybala është i pari që rrezikon seriozisht me një goditje me të majtën nga jashtë zone, por Donnarumma është në pozicion dhe ndalon gjithçka. Pak minuta më vonë një çoroditje në mbrojtjen e kuqezinjve dhe Dybala pason një top në Higuain në qendër të zonës, ku ky i fundit godet me mjaft forcë dhe topi përfundon në rrjetë.
Është minuta e 23’ dhe Juventus sheh veten në avantazh. Pas ndëshkimit formacioni i Montellas duket se zgjohet dhe merr kontrollin duke iu afruar më shumë portë, por akoma nuk kishte arritur të kërcënojë seriozisht Buffonin. Në fundin e takimit një krosim mjaft i mirë në zonë nga Rodriguez nxjerr Kalinic të vetëm para portës i cili godet mjaft mirë, mposht Buffon, por topi ndalet në traversë. Më pas është Calhanoglu që godet me kokë topin e kthyer në lojë por Rugani e devijon në goditje këndi. Një pjesë e parë mjaft e mirë për të dyja ekipet, me një Milan që duket se do të luaj çdo mundësi për ta barazuar dhe pse jo ta përmbysin rezultatin.
