Ish portieri i përfaqësueses kolumbiane, René Higuita ka dalë nga vetja dhe ka goditur në tifoz me grusht gjatë një miqësoreje mes America dhe Atletico Nacional. Aktualisht ai është pjesë e stafit të Nacional, trajner i portierëve.
Higuita po ecte anës tribunës i shoqëruar nga disa pjesëtarë të stafit dhe një tifoz ka lëshuar lumë sharjesh dhe ofendimesh në drejtim të tij, por në një moment që i është afruar ai nuk ka duruar më dhe e ka goditur me grusht. Higuita ka mbrojtur portën e Kolumbisë në vitet 1987–1999.
