Publicisti i njohur, Kim Mehmeti, ka ashpërsuar tonet ndaj kryeministrit Rama. Në një postim në Facebook, Mehmeti shkruan se Rama, duke i etiketuar ata që e duan ‘Kristaqë’, dhe ata që e kundërshtojnë në ‘Kadrinj’, po synon përçarjen e shqiptarëve.
Postimin e tij të radhës ai e ka titulluar: “Hienat politike që duan të na copëtojnë e përçajnë në ‘Kadrinjë’ e ‘Kristaqë’!”.
Ndër rreshta, Mehmeti citon se Rama i ndan në ‘Kristaqët’ e vet ata që e përkrahin, e të lindurit për të qenë të civilizuar e të mençur dhe gjithë të tjerët që e kritikojnë atë, e që ‘natyrshëm’, mund të jenë vetëm ‘Kadrinjë’ e ‘Malokë’.
