Federata Italiane e Futbollit ka hedhur shortin e Serie A për sezonin 2018-2019, por edhe të ligave inferiore. Të gjithë ishin në pritje se ndaj kujt ekipi do ta fillonte avventurën në Itali Cristiano Ronaldo dhe kur do të zhvillohej derbi i parë mes Milanit dhe Interit.
Ylli portugez do të debutojë në Serie A në transfertë përballë Chievos, ndërsa ndeshja më e bukur pritet të jetë përballja mes Strakoshës dhe Hysajt, pasi luhet dhe Lazio-Napoli. Derbi i parë i sezonit do të jetë ai mes Romës dhe Lazio-s më 30 shtator, konkretisht java e shtatë në kampionatin italian, ndërsa në javën e 9 do të zhvillohet edhe derbi i Milanos.
Megjithatë, në kampionatin italian nuk kishte si të mungonte dhe përballja midis vëllezërve Simone dhe Filippo Inzaghi, teksa do të përplasen së bashku një ditë pas Krishtlindjeve, pra me 26 dhjetor. Po në atë ditë do të luhet edhe Inter-Napoli.
