Është hedhur shorti, në Nion të Zvicrës, për turin e tretë të Evropës, short nga i cili do të dalin kundërshtarët e mundshëm të Partizanit, Shkëndijës dhe Feronikelit, nëse kalojnë turin e dytë të këtij kompeticioni. Partizani nëse do të kalojë Sherifin e Tiraspolit, do të ndeshet me çiftin fitues mes Mariborit (Slloveni) dhe Aik Stokholmit (Suedi).
Një çift aspak i lehtë për të kuqtë, nëse kalojnë moldavët. Ndërsa Shkëndija, nëse kalon turin e dytë elimitaro do të ketë përballë fituesin e çiftit mes Sëlltikut dhe Nome Kalju.
