Sot në Kosovë në orën 07:00 ka filluar heshtja zgjedhore për zgjedhjet lokale, nesër nga ora 07:00 deri në ora 19:00, qytetarët e Kosovës me të drejtë vote, do të mund të votojnë për të zgjedhur udhëheqësit e tyre komunalë.
Subjektet politike janë të detyruar që t’i përmbahen heshtjes zgjedhore pasi kanë zhvilluar fushatën 30 ditore.
Në këto zgjedhje janë certifikuar 91 subjekte politike, prej tyre 1 koalicion, 35 parti politike, 30 iniciativa qytetare dhe 25 kandidatë të pavarur për kryetar komune apo për kuvende komunale, në komunat e Kosovës.
Në ditën e zgjedhjeve, në 2 mijë e 505 vendvotime në të gjithë Republikën e Kosovës do të angazhohen rreth 18 mijë anëtarë të Këshillave të Vendvotimeve, si dhe rreth 2 mijë anëtarë rezervë.
Janë akredituar mbi 33 mijë vëzhgues dhe janë trajnuar 17 mijë e 635 komisionarë.
