Diego Milito ishte një nga futbollistët më të rëndësishëm të Interit në kohën kur shkruan histori dhe nën drejtimin e trajnerit, Jose Mourinho fituan tripletën e famshme. Së fundmi, argjentinasi iu është rikthyer atyre kohëve dhe në intervistë është shprehur se lideri i tyre ishte tekniku portugez. Ndërkohë, ish-sulmuesi theksoi se në finalen e Madridit në vitin 2010 kundër Bayern Munchen, zikaltërit u futën në fushë duke e ditur se mund të linin gjurmë në futbollin italian.
“Mourinho na ka transmetuar shumë qetësi, ai ishte lideri jonë. E dinte rëndësinë për të transmetuar qetësi në momentet e tensionit. Pas shumë viteve, ajo e Champions ishte një finale që kishte shumë rëndësi për Interin. Para se të futeshim në fushë, Mourinho na ka thënë ta shijonim, pasi nuk e dinim nëse mund ta ripërjetonim.
Finalja? Çdokush ka sensacione të mira para një ndeshje. Ishim të ndërgjegjshëm se mund ta fitonim këtë finale. Arritëm me shumë besim, pas triumfit të titullit dhe Kupës së Italisë, e dinimi se mund të linim gjurmë në futbollin italian. Atë ditë u zgjova me qetësi dhe dëshirë. Për fat të mirë zhvilluam një ndeshje pozitive, unë shënova dy herë, por merita ishte e të gjithë grupit. U transferova te Inter në momentin e duhur, aty ishte një organikë shumë e mirë me shumë kampion”, u shpreh Milito.
