Data 17 janar shënon 550-vjetori e vdekjes së Skënderbeut. Në Pallatin e Kongreseve në kuadër të vitit mbarëkombëtar të Skënderbeut, qeveria organizoi një aktivitet, ndërsa vetë Rama ë cilësoi figurën e heroit kombëtar si një forcë emancipimi dhe evropianizimi.
Rama tha se figurën e Skënderbeut po e mbajmë gjallë jo me imazhe, por përmes dokeve dhe zakoneve tona të trashëguara më së miri.
“Skënderbeu cilësohej si një zotëri në një vend të vogël dhe të varfër, por që kërkoni të mbahej me këmbët e veta. Sot 150 arbëresh kanë ardhur për të kujtuar figurën më të lartë të historisë. Shumë prej tyre vijnë për herë të parë në Shqipëri, pasi po mundohemi që të ngjisim copëzat e pasqyrës ë thyer të Skënderbeut.Ne po e mbajmë gjallë figurën e Skënderbeut, jo me imazhe por doket tona. Të gjithë së bashku ne do i presim të gjithë arbëreshët. Skënderbeu ka qenë forcë emancipimi dhe evropianizimi. Për herë të parë përkujtimi i figurës së Skënderbeut, është si një ekspozitë për të zbuluar fakte dhe në njohje të panjohshme të figurës së tij. Në këtë hapësirë në këto ditë ndoshta nuk mund të ekspozohet gjithçka, unë them një shprehje latine ‘ejani dhe shihni’’ -u shpreh Rama.
Kreu i qeverisë bëri me dije se në nëntor do të zhvillohet në Tiranë Saimit i Diasporës, ku do të sjellë bijat dhe bijtë e Skënderbeut nga të gjitha vendet e botës.
“Në samitin e diasporës, në nëntor do të sjellë të gjithë bijat dhe bijtë e Skënderbeut kudo që janë”-theksoi ai.
