Godina e Teatrit Kombëtar është shndërruar në një përplasje mes aktorëve dhe Ministrisë së Kulturës. Aktorët kanë kritikuar vendimin e ministrisë për zhvendosjen e godinës, por debatet dhe sulmet retorika janë prezente edhe në studiot televizive.
Ajo që bie në sy është pjesa e ndarjes së artistëve në dy kampe, të cilët akuzojnë njëri tjetrin, pasi edhe vetë teatri Kombëtar do të zgjedhë drejtuesin e ri. Në emisionin “Top Shoë”, në përballjen e artistëve, Altin Basha, Arben Derhemi dhe regjisorit Gëzim Kame me ministren Mirela Kumbaro, pati përplasje edhe mes vetë artistëve.
Basha ka debatuar me Kamen, duke e quajtur ‘ provokator’ kjo ka gjetur mbështetjen e kandidates për drejtore në Teatrin Kombëtar, Ema Andrea.
Ajo ka mbështetur hapur Bashës në këtë çështje, duke shkruar se : “Yes Basha’, në Facebook. 
Në postimin e saj në Facebook, ka ndërhyrë Genti Kame, djali i regjisorit Gëzim Kame, i cili i kujton Andreas qëndrimet e saj të mëparshme për teatrin.
