Thierry Henry është gati të marrë përgjegjësi të plota në drejtimin e një skuadre, pas eksperiencës që ka fituar si ndihmës i Roberto Martinezit te kombëtarja belge. Vetëm pak ditë më parë u përfol se ish-sulmuesi francez do të merrte drejtimin e kombëtares së Egjiptit, por duket se Henry kërkon të zbresë në fushë më shpesh dhe do ta nisë eksperiencën në Francë, në Ligue 1.
Ai do të marrë drejtimin e ekipit të njohur Bordeaux, pasi marrëveshja mes palëve është arritur tashmë dhe nga ora në orë pritet që ish-sulmuesi i Arsenalit dhe kombëtares franceze, të bëjë edhe prezantimin zyrtar.
Henry do të marrë vendin e trajnerit Gustavo Poyet, i cili javën e kaluar u shkarkua nga detyra pasi kishte kritikuar publikisht drejtuesit për merkaton që kishin zhvilluar. Nëse gjithçka zyrtarizohet para ndeshjes që Bordeaux ka të dielën, atëherë debutimi i Thierry Henry do të jetë mjaft i vështirë, pasi do të përballet me Monacon.
