Gjykata e Apelit ka dhënë vendimin duke e lënë në burg Marjana Cmentën, e cila akuzohet për vrasjen e vjehrrës së saj Lirije Lami, të cilën e helmoi dhe më pas e mbyti.
Ndërkohë Gjykata ka vendosur “detyrim paraqitje” për vjehrrin e nuses 21-vjeçares, i cili kishte dijeni për vrasjen e gruas së tij por nuk kishte denoncuar.
“Detyrim paraqitje” u vendos edhe për Hoxhën Hysen Shehu, tek i cili 21-vjeçarja rrëfeu mënyrën sesi e kishte helmuar vjehrrën Lirije Lami 48-vjeçe, më 30 Prill 2017.
Ngjarja u zbulua 1 vit më vonë. Të gjithë sa kishte ndodhur, ajo e kishte rrëfyer te hoxha i zonës, i cili e kishte regjistruar bisedën dhe ia kishte treguar burrit të viktimës dhe një kushëriri të tyre, por pa e denoncuar ngjarjen në Polici.
