Sergei dhe Yulia Skripal u helmuan me një agjent të nervave vdekjeprurës të lënë në derën e tyre të përparme.
Çifti mbetet në një gjendje kritike, pasi kanë rënë në kontakt me helmin kimik vdekjeprurës të dielën e 4 marsit.
Daily Mail, raporton se Policia ka zbuluar gjurmët e agjentit nervor në zona të tjera ku kanë por në përqendrime të ulëta.
Dean Haydon, kreu i njësisë kundër terrorizmit të forcës, tha: “Në këtë pikë të hetimit tonë, ne besojmë se Skripalet fillimisht erdhën në kontakt me agjentin nervor nga dera e tyre e përparme. Për këtë arsye ne jemi duke u fokusuar rreth shtëpisë së tyre.
Skripal është një ish-spiun rus i cili u lirua në vitin 2010 si pjesë e një shkëmbimi spiunësh mes Rusisë dhe SHBA. Ai u strehua në Britani dhe u transferua më pas në Salisbury në WItshire.
Pas ngjarjes, qeveria britanike, me kërkesë të Kryeministrit Theresa Maj, dëboi 23 diplomatë rusë.
Në hakmarrje, Kremlini njoftoi se do të dërgonte 23 zyrtarë britanikë në Mbretërinë e Bashkuar.
Më parë këtë muaj Sekretari i Jashtëm Boris Xhonson akuzoi Rusinë se po përpiqet ta fshehë gjilpërën e së vërtetës në një kashtë të gënjeshtrave mbi helmimin e Salisbury.
Më shumë se 20 vende kanë dëbuar diplomatë rusë për skandalin e helmimit, pavarësisht se Kremlini vazhdon të mohojë çdo përfshirje.
