Ish-kryeministri, Sali Berisha ka reaguar ndaj Presidentit të Serbisë, Aleksandër Vuçiç, i cili publikoi një foto në rrjetet sociale, ku paraqitej harta e Kosovës me flamurin serb.
Berisha e ka dënuar me ashpërsinë më të madhe këtë veprim, dhe i kërkon Kosovës që ta shpallë person ‘non grata’ presidentin serb.
Ndër të tjera, Berisha i bën thirrje komunitet ndërkombëtar që ta dënojë Vuçiçin, pasi sipas tij, ka kryer provokim armiqësor dhe luftënxitës.
”Denoj me ashpersine me te madhe vendosjen e flamurit te Serbise mbi harten e Kosoves nga bastardi i Sheshelit dhe Geblesi i Millosheviçit, krimineli i luftes dhe padronit te Zografit Bis, Presidentit te Serbomadhise Vuçiç si nje provokacion te ulet dhe luftenxites.
Ju bej thirrje autoriteteve te Kosoves te deklarojne pergjithmone non grata kete ultranacionalist te verber serb. I bej thirrje komunitetit nderkombetar te denoj kete porovokim armiqesor dhe luftenxites te Serbomadhit Vuçuç. Sb’’, shkruan Berisha në rrjetin social, Facebook.
