Arabia Saudite dhe Kuvajti janë quajtur kombet më “toksike” në Tokë sipas një raporti të ri. Ekspertët e Eko-s mblodhën të dhëna dhe më pas renditën 135 vende bazuar në pesë faktorë të mjedisit: Konsumi i energjisë për frymë, emetimet e CO2 nga djegia e karburantit, nivelet e ndotjes së ajrit, vdekjet që i atribuohen ndotjes së ajrit dhe prodhimi i energjisë së rinovueshme.
Pra, në vend që thjesht të shikojnë nivelet e ndotjes së ajrit, studimi u përqendrua gjithashtu në punën që po bëhet për të trajtuar ndryshimet klimatike.
Sipas të dhënave, Arabia Saudite është një nga prodhuesit më të mëdhenj të naftës në botë, por gjithashtu ka disa nga kontributet më të ulët të energjisë së rinovueshme në botë, pavarësisht se kushtet e motit janë ideale për energjinë diellore. Ekspertët Eko thonë se kjo sugjeron një shpërfillje për mjedisin dhe shëndetin e popullsisë.
Ndërkohë, Kina synon të investojë 292 miliardë funte në energji të rinovueshme deri në vitin 2020, sipas The Guardian. Kjo do të thotë se ndërkohë që nivelet e ndotjes së vendit mbeten i lartë, po kërkojnë në mënyrë aktive një rrugë për një të ardhme më të gjelbër dhe për këtë arsye bien më poshtë rezultatin e toksicitetit.
Vendi më toksik evropian ishte Luksemburgu, i cili vuan nga ndotja e madhe nga vendet fqinje, përfshirë Gjermaninë dhe Belgjikën. Britania e Madhe renditet e 81-ta, ndërsa SHBA-ja e 66-ta.
10 vendet me ndotjen më të lartë
Arabia Saudite
Kuëait
KatarI
Bahrain
Emiratet e Bashkuara Arabe
Oman
Turkmenistan
Libi
Kazahstan
Trinidad dhe Tobago
Kombet më pak toksike sipas raportit janë kryesisht kombe afrikane si Kenia, Mozambiku dhe Etiopia, ku mungesa e industrializimit ka çuar në ajër më pak të ndotur – megjithëse studimi nuk ka marrë parasysh ndotjen e ujit, gjë që përbën një problem real në Afrikë.
