Çdo shtet i Evropës identifikohet me një ushqim përkatës. “Culture Trip” ka krijuar hartën me ushqimet më popullore në shtetet e Evropës, bazuar në kërkimet në Google.
Sipas këtyre të dhënave, ushqimet më popullore në Ballkan janë kryesisht me bazë mishi.
Por, cili është ushqimi më popullor në Shqipëri?
Sipas hartës së “Culture Trip”, ushqimi më i preferuar në vendin tonë është pikërisht çomleku, në Kosovë dhe në Serbi janë peskavicat, ndërsa në Maqedoni pjata më popullore është gjella me fasule.
Ushqimi më popullor në Itali, ashtu siç pritej, është pica, Greqia njihet për gjirot, Turqia për qebapin dhe Zvicra për djathin e shkrirë.
Teksa shumë njerëz mendojnë se mishi i pjekur mirë ia kalon ushqimit me bazë peshku dhe patateve, motori më popullor i kërkimit Google tregon se është ekzaktësisht e kundërta.
Spanja njihet për “paella”, një specialitet vendas i orizit me fruta deti; në Portugali “bacalhau” mbetet më e preferuara, që është peshk i tymosur, i shoqëruar me patate të vogla të ziera.
Franca, me elegancën e saj në shërbim, të josh me mishi lope ‘Bourguignon’, të gatuar me perime dhe salcë, ndërsa “spätzle” janë një përgatitje tipike e Gjermanisë jugore, tip makarona (njoki) në formë të çrregullt bërë nga miell gruri, vezë dhe ujë.
Në kuzhinën vjeneze, ushqimi tradicional është “schnitzel”, mish viçi i prerë hollë i skuqur me miell dhe thërrime buke.
Europa qendrore, sidomos Polonia janë të njohura për byreçkat e mbushura, të quajtura “pierogi”. Në Norvegji ushqimi më popullor është supa e peshkut, e quajtur “fiskesoupe”, ndërsa në shtetin fqinjë, Suedi, do të gjesh kudo “Kottbullar”, specialiteti vendas për qoftet.
Nëse vizitoni Rusinë, mos u largoni pa provuar “plemeni”, mini byreçka të mbushura me mish, peshk, kërpudha por kujdes nga erëzat e forta, aroma mund të zgjasë disa ditë.
