E shtuna vijon me kthjellime dhe vranësira kalimtare, që do dominojnë gjithë territorin. Por vranësira më të shpeshta paraqiten në zonat Lindore.
Pasditja dhe në vijim, paraqitet me vranësira dhe intervale të shkurtra kthjellimesh. Në pjesën më të madhe të vendit përjashtuar zonat malore ku gjatë natës priten vranësira të dendura.
Sipas MeteoAlb, temperaturat e ajrit rriten lehtë në vlerat minimale por konstante mbeten vlerat e mesditës duke ruajtur maksimumin në rang territori 28°C.
Era do fryjë mesatare gjatë ditës por forcohet natën duke arritur shpejtësinë maksimale 45 km/h nga drejtimi Veriperëndimor. Për pasojë në brigjet detare gjenerohet dallgëzim 3 ballë.
