Gjeneral Mark Carleton-Smith, shefi i Shtabit të Përgjithshëm të Ushtrisë Britanike thotë se Rusia përbën një kërcënim shumë më të madh për sigurinë e vendit sesa grupet ekstremiste islamike.
Gjeneral Carleton-Smith tha për Telegrafit: “Rusia sot pa diskutim paraqet një kërcënim shumë më të madh për sigurinë tonë kombëtare sesa kërcënimet nga grupet ekstremiste islamike si Al Kaeda dhe ISIL (ISIS).
Rusia ka treguar se është e përgatitur të përdorë forcën ushtarake për të siguruar dhe zgjeruar interesat e veta kombëtare. Rusët kërkojnë të shfrytëzojnë dobësinë kudo që mund t’i zbulojnë.
Rusia ka ndërmarrë një përpjekje sistematike për të eksploruar dhe shfrytëzuar dobësitë e Perëndimit. Ajo veçanërisht është ë fokusuar në disa nga zonat jo tradicionale të hapësirës kibernetike, nëndetëse.
Ne nuk mund të jemi të vetëkënaqur me kërcënimi që Rusia paraqet ose ta lërë të pakontestueshëm”, tha ai, raporton Daily Star.
Gjenerali Carleton-Smith tha se me shkatërrimin e territoreve të ISIS në Irak dhe Siri kërcënimi ndaj sigurisë britanike është ulur.
Ai shtoi: “Shfaqja fizike e kërcënimit islamik është zvogëluar me shkatërrimin e plotë të gjeografisë së të ashtuquajturit Kalifati”.
Por, tensionet mes Rusisë dhe Britanisë janë përshkallëzuar në mars të këtij viti.
Ish-spiunin rus, Sergei Skripal dhe vajzën e tij Julia i helmuan me një substance kimike.
Britania akuzon Rusinë se ka gisht në këtë ngjarje. /TIRANA TODAY/
