Vrasja e liderit serb Oliver Ivanoviçit ka ndërtuar mosbesim në pjesën veriore të Mitrovicës. Për këtë, vetë Ramush Hardinaj është shprehur se ka si synim integrimin e plotë të komunitetit që jetojnë dhe veprojnë në këtë pjesë të qytetit.
“Vrasja e një politikani të rëndësishëm muajin e kaluar në Mitrovicë, vë në theks rritjen e mosrespektimit në këtë pjesë të qytetit që është e dominuar nga serbët”. Kështu nis një shkrim i Al Jazeera, kushtuar situatës në Kosovë, pas vrasjes së politikanit serb.
“Kosova është duke u përballë dhjetë vjet pas pavarësisë me rritjen e mungesës së ligjit në këtë rajon ku banohet në shumicë nga serbët. Është gazetari i këtij mediumi që ka qëndruar në Kosovë, ku ka folur me gazetarë serbë dhe politikanë për frikën me të cilën po përballen.
“Mund të shihni se sa të pasigurt ndjehen njerëzit. Çfarë më brengos më së shumti është që shumë prej miqve të mi janë larguar nga Mitrovica e Veriut dhe shumë të tjerë janë duke e shqyrtuar këtë”, ka thënë Ksenija Bozoviç, kolege e partisë me Ivanoviç.
“Kam qenë viktimë e vjedhjeve dhe vulgarizimit, edhe jam sulmuar. Këto gjëra ndodhin me njerëzit këtu, për çdo ditë. Që prej vrasjes së Ivanoviç, frika te njerëzit është rritur. Ai ka qenë shumë i respektuar”, ka thënë Tatjana Lazareviç me profesion gazetare.
Kryeministri i Kosovës, Ramush Haradinaj, ka thënë se është duke punuar për integrimin e veriut të Kosovës.
“Jemi në proces të integrimit të veriut, zbatimin e sundimit të ligjit. I respektojmë specifikat e këtij komuniteti dhe po i integrojmë ata. Ky është synimi im”, ka thënë Haradinaj.
