Marrë shkas nga ngjarja tragjike në Potam, qytetarët duan të bëjnë një gjest simbolik për vogëlushen që e vrau helika e skafit të Arjan Tases. Tashmë është hapur një peticion publik, për ndryshimin e emrit të plazhit të Potamit në “Sirena Jon-ada”. Kjo nismë simbolike ka për qëllim kujtimin e përjetshëm të vogëlushes, që iu mor jeta në plazhin e bukut të Jugut. Në mënyrë që të ndodhë ndryshimi i emrit, duhet që të jepet leja nga Bashkia e Himarës. Nëse ndodh ndryshimi i emrit, skulptori Ardian Pepa është i gatshëm të bëjë skulturën që do i përkojë emrit të ri të plazhit.
Njoftimi
Përshëndetje bashkëatdhetar!
Nëpërmjet këtij Peticioni popullor, kërkojmë nënshkrimin me firmën dhe emrin e secilit, që të marrim
1) aprovimin dhe mbështetje nga institucioni përkatës, për vendosjen e emrit të plazhit Potam…Sirena Jon-ada, si dhe
2) vendosjen e nje figure „ Simbol“ ( skulpture) te nje Sirene.
Kjo figure do te punohet nga skulptori z. Ardian Pepa, i cili ka shprehur mbeshtetjen e tij në kete projekt, qe nder te tjera ( humanitar, njerezor) eshte gjithashtu dhe mjaft kulturor.
Jonada, preku zemrat dhe ndjenjat e mbare-shqiptareve. Le ta perjetesojme, engjellin.
***
Por ti, me detin s‘u trishtove,
E bukura Joandë, që shkëlqen,
Njeriu, ish‘ fajtori, ndaj Ti shkove,
Dhe mbete e Potamit, një Sirenë.
Faleminderit
Alma Papamihali
Protestuesit i kanë vënë ‘ultimatum’ kryeministrit Edi Rama që të shkarkojë deri të hënën ministrin e Brendshëm Bledi Çuçin, ministren e Turizmit Mirela Kumbaro dhe Drejtorin e Përgjithshëm të Policisë së Shtetit, Gledis Nano.
