Tirana ka tashmë Parkun e saj Olimpik. I njoftuar për tu hapur në muajin maj nga kryebashkiaku Erion Veliaj, qendra më e madhe sportive e kryeqytetit hapi sot dyert për të gjithë sportdashësit.
Këtë event për jetën kulturore dhe sportive të kryeqytetasve, e ka përshëndetur sot edhe kryeministri Edi Rama, i cili është bërë pjesë e aktivitetit të parë sportiv të historisë së sapofilluar të këtij parku. Ai ka postuar një video që e shoqëron edhe me këtë mesazh.
“Hap dyert sot Parku Olimpik i Tiranës – Siç luftuam dhe fituam për Vettingun, do të luftojmë e fitojmë për të rritur ekonominë dhe punësimin si asnjëherë më parë”. Me anë të këtij postimi Rama thotë së vendi mund të bëjë regres nëse timonin i reformave tashmë në proces, nuk do ta mbajë e vetme, PS-ja.
Kemi bërë shumë. Më shumë akoma mbetet për të bërë. Po ka edhe shumë për të humbur, nëse Partia Socialiste nuk mban, pa të tjerë në prehër, timonin e reformave”.
Parku Olimplik do të pasurohet më tej me pishinën e mbyllur olimpike, pistën e atletikës, fushat e hapura të futbollit, basketbollit, volejbollit e tenisit, si edhe godinën e re të FSHF-së
Ky është një financim i përbashkët i Bashkisë së Tiranës dhe qeverisë shqiptare, dhe vjen 60 vite pas ndërtimit të pallatin e sportit “Asllan Rusi”./Tirana Today/
