Ekspozita “Frymëmarrje në Gardh” e Mentor Berishës do të hapet nesër më 23 janar në Galerinë e Ministrisë së Kulturës në Kosovë.
Kuratori i kësaj ekspozite është profesor Fadil Hysa, ndërsa Mentor Berisha është piktor dhe skulptor i brezit të ri të artistëve figurativ të Kosovës, i cili kultivon një stil të veçantë pikturimi dhe skulpturimi, që rrallë e ndeshim tek artistët e brezit të ri.
Në pikturat e tij mund të shohim imazhe nga e kaluara jonë, e cila rrezikon të tretet në harresë por fatmirësisht, ndonjëherë rrallë, si në këtë rast, ato rigjejnë rrugën e kthimit në kohën tonë përmes laboratorit krijues të artistit.
Ekspozita “Frymëmarrje në Gardh” hapet nesër në orën 19:00 në Galerinë e Ministrisë së Kulturës.
