Lewis Hamilton triumfoi edhe në Çmimin e Madhe të Rusisë, ku mori vendin e parë falë strategjisë së ‘pistë’ që bëri skuderia Mercedes. Piloti anglez u nis i dytë në Sochi dhe duke parë ritmin e garë dukej që e kishte të pamundur të parakalonte shokun e skuadrës Bottas, i cili ishte i pari dhe mjaft i shpejtë në pistë.
Pak xhiro para fundit drejtuesit e skuderisë ndërhyjnë duke urdhëruar pilotin finlandez që ti hapte rrugën Hamiltonit dhe të mbante pas tij Vettel , i cili ishte i treti. Por në momentin që morën kupat, Hamilton konfirmon atë që ndodhi në pistë dhe ishte i mendimit që këtë çmim e meritonte Bottas, duke ia ofruar atij në podium, por ky i fundit nuk e pranon.
