Ish-ministri i Drejtësisë Eduard Halimi ka shprehur tronditjen e tij për vrasjen e gjyqtares Fildes Hafizi nga ish-bashkëshorti i saj.
Halimi thotë përmes një statusi në facebook se Hafizi ishte një magjistrate e shkëlqyer dhe e ndershme por dhe nënë e përkushtuar. Duke kërkuar ndëshkimin e merituar për vrasësin, ai shpreh habi ndërkohë që gjyqtarja ishte me urdhër mbrojtje.
Statusi i Halimit:
I tronditur nga vrasja makabre e gjyqtares Fildez Hafizi. Ajo ka qënë një magjistrate e shkëlqyer, një gjykatëse e re në profesion por e ndershme dhe e përkushtuar, nënë e 2 fëmijëve.
Vrasja e një gjykatëse me urdhër mbrojtje siç raportojnë mediat përveçse tronditëse kërkon analizë për ekzekutorët e urdhërit të mbrojtjes por padyshim ndëshkimin më të ashpër ndaj ekzekutorit të Fildez Hafizit. Krime të tilla makabre kërkojne ndërshkim të ashpër ndaj kemi pasur të drejtë kur ndryshuam Kodin Penal 5 vjet më parë duke vendosur denime maksimale për këta mostra vrasësish. Ngushëllimet më të thella për familjen, fëmijët dhe të afërmit.
