Hakmarrja e Perez ndaj Ronaldos detyroi Zidane të largohet

Pas dominimit tre vjeçar në Europë, Real Madrid duket se është përfshirë në një kaos, dorëheqja e Zidane duket se ka një prapaskenë të shëmtuar të presidentit Florentino Perez. Ja çfarë ndodhi pas triumfit në finalen e Kievit përballë Liverpool:‘The Mirror’ ka zbuluar se Perez ka ndërhyrë në punët e trajnerit duke i bërë kërkesa të çuditshme mbi përzgjedhjen e formacionit. Gjithçka nisi në vërshëllimën e fundit të arbitrit serb në Kiev, ku Ronaldo shokoi me deklaratën e tij se shumë shpejt do të ndërronte ambient dhe falënderoi Realin për vitet që kishte kaluar aty. Një shenjë e qartë lamtumire, që vinte pikërisht nga një premtim i pambajtur i presidentit Perez.Ky reagim në një moment të tillë nuk i ka pëlqyer aspak numrit një të madrilenëve dhe kishte vendosur që të hakmerreshe ndaj tij duke përdorur edhe Zidane. Zbulohet se Perez i ka kërkuar Zidanit që në sezonin e ardhshëm të largonte nga formacioni startues yllin portugez dhe në vend të tij të inkuadronte Gareth Bale, pavarësisht se vendimet për të bërë një gjë të tillë i takojnë vetëm trajnerit të skuadrës. Por Zidane ka refuzuar kategorikisht të përfshiheshe në një komplot të tillë dhe në mënyrë të menjëhershme ka kërkuar dorëheqjen nga klubi mbretëror.