Hakerat e grupit “Homeland Justice” kanë publikuar të dhënat e drejtorit të Përgjithshëm të Policisë së Shtetit, Muhamet Rrumbullakut si dhe zëvendësdrejtorit të Shërbimit Informativ Shtetëror, Oljan Kanushit.
Rrumbullaku dhe Kanushi janë emrat e radhës, të dhënat e të cilëve publikohen nga hakerat. Në kanalin e tyre në Telegram, hakerat kanë publikuar edhe një mesazh.
“Ne jemi më afër jush sesa shpirtrat tuaj. Në vend që të zëvendësoni zyrtarët e institucioneve të korruptuara qeveritare, mendoni për reformimin e strukturës korruptive.
Çdo lëvizje dhe intervistë e drejtuesve të MEK në Shqipëri dhe vende të tjera, do të ketë një çmim të rëndë për popullin shqiptar”, thuhet në mesazhin e hakerave të “Homeland Justice”.
Kujtojmë se pak ditë pas largimit nga Policia e Shtetit si drejtori i saj, hakerat publikuan edhe të dhënat e pasaportës, pjesëtarët e familjes, numri i telefonit dhe hyrje-daljet të Gledis Nanos.
