Hakerat kompjuterikë të Koresë së Veriut kanë vjedhur qindra dokumente ushtarake të klasifikuara nga Koreja e Jugut. Në dokumente ka plane operacionale të hollësishme të kohës së luftës (n.q.s do të ketë luftë) që përfshijnë aleatin e saj amerikan, tha sot një raport.
Rhee Cheol-Hee, një ligjvënëse e partinë Demokratike e cila qeveris, tha se hakerat kishin thyer dhe ishin futur në rrjetin ushtarak të Koresë së Jugut, në shtatorin e kaluar, dhe kishin përvetësuar rreth 235 gigabajt të dhënave të rëndësishme, raportoi e përditshmja Chosun Ilbo.
Midis dokumenteve të marra ishte dhe “Plani Operacionale 5015” që përdoret në rast lufte me Korenë e Veriut. Në plan përfshihen procedurat për sulmet për “prerjen e kokës” së udhëheqësit Kim Jong-un, tha Rhee.
Rhee tha se një anëtar i komitetit të mbrojtjes në parlamentit nuk mund të bënte deklarata publike, por zyra e tij tha se ato që ai ka thënë jo publikisht janë cituar si duhet.
Raporti vjen në mes të frikës së konfliktit në gadishullin Korean, meqenëse programi i armëve të Veriut u rrit në muajt e fundit në Phenianin, duke nisur një stuhi raketash dhe duke kryer testin e tij të gjashtë dhe më të fuqishëm bërthamor, në kundërshtim me morinë e sanksioneve të OKB-së.
Tensioni është nxitur nga kërcënimet e vazhdueshme të veprimeve ushtarake të presidentit amerikan Donald Trump kundër Phenianit për t’i zbutur ambiciet e armëve bërthamore.
Gjatë një fundjave, Trump përsëriti se përpjekjet diplomatike me Korenë e Veriut kanë dështuar vazhdimisht, duke shtuar se “vetëm një gjë do të funksionojë”.
Të hënën, Trump përsëriti sërish thënë se “Shtetet e Bashkuara nuk kanë pasur sukses me Korenë e Veriut për 25 vjet, duke dhënë miliarda dollarë dhe duke mos marrë asgjë “, duke shtuar se “politika nuk funksionoi”.
Duke cituar ministrinë e mbrojtjes të Seulit, Rhee tha se 80 për qind e dokumenteve të rrjedhura ende nuk ishin identifikuar.
Por plani i emergjencës për forcat speciale të Koresë së Jugut u vodh, tha ai, duke shtuar se janë vjedhur dhe detaje rreth stërvitjeve vjetore të përbashkëta ushtarake me SHBAt-të dhe informacion mbi objektet kryesore ushtarake dhe termocentralet.
Një zëdhënës i ministrisë nuk pranoi të konfirmonte raportin, duke përmendur çështjet e inteligjencës.
Në maj, ministria tha se Koreja e Veriut kishte hackuar në intranetin ushtarak të Seulit, por nuk tha atë që kishte informacion rrjedhur.
Pheniani ka një njësi prej 6,800 specialistësh të trajnuar për luftën në internet, sipas qeverisë së Koresë së Jugut.
Njësia e hakerave të Koresë së Veriut është akuzuar për nisjen e sulmeve kibernetike të profilit të lartë duke përfshirë edhe hakerimin e Sony Pictures në vitin 2014.
Historia e të përditshmes Chosun Ilbo është raporti i dytë që lidhet me sulmin kibernetik të lidhur me ushtrinë në Azi-Paqësor.
Qeveria e Australisë dhe një kontraktor i paidentifikuar i mbrojtjes australiane thanë se ishte hakuar dhe vjedhur një ‘sasi e konsiderueshme e të dhënash’.
Në 12 muajt e fundit kishte 47,000 incidente kibernetike, një rritje prej 15 për qind nga një vit më parë, tha ministri për Sigurinë Kibernetike, Canberra, kur linçoi një raport të Cyber Security Center.
Gazeta australiane raportoi se hakeri ishte i bazuar në Kinë por Tehan i tha Korporatës Transmetuese Australiane se ‘ne nuk e dimë dhe ne nuk mund të konfirmojmë saktësisht se kush është aktori’.
Një zëdhënës i Shefave të Përbashkët të Shtabit të Koresë së Jugut tha se ushtria e saj po monitoronte nga afër lëvizjet e ushtrisë së Koresë së Veriut dhe mbajtjen e gatishmërisë së plotë në rast të konfliktit të mëtejshëm.
Lëvizje të vazhdueshme të personelit dhe pajisjeve u zbuluan në vende të caktuara në veri, njoftoi agjencia e lajmeve Yonhap, duke sugjeruar se mund të bëhen përgatitjet për një test tjetër të armëve.
Koreja e Veriut shpesh përdor teste provokative për të shënuar përkujtimet kryesore historike dhe vendi po feston 72 vjetorin e themelimit të Partisë së Punëtorëve që është në pushtet.
Përshtati për Tirana Today, Laert Miraku
