Autoritetet franceze kanë vënë alarmin, pasi një kriminel famëkeq ia ka dalë mbanë teksa është arratisur me helikopter nga një burg në rajonin e Parisit.
Falë tre bashkëpunëtorëve të armatosur, të cilët zbritën nga helikopteri në oborrin e burgut, Redoine Faid ia doli mbanë që të arratisej. Faid, i dënuar me 25 vite burg, është një kriminel i njohur në Francë, ku u burgos për një sërë plaçkitjesh.
Në vitin 2009 ai shkroi një libër për përvojat e tij të rritjes në rrethinat e Parisit, ku edhe u “diplomua” në një jetë krimi.
Ai pretendonte se i kishte kthyer shpinën botës së krimit, por në 2010 ai u përfshi në një tentativë grabitje që i mori jetën edhe një efektivi policie, krim për të cilin ai po kryente dënimin prej 25 vitesh në burgun Seine-et-Marne.
