Ish-drejtuesi i Prokurorisë së Apelit Tiranë, dhe njëherësh ish-kreu i Shoqatës së Prokurorëve, Shkëlqim Hajdari, tha sot se kryeprokurori i përkohshëm nuk mbyll dot asnjë dosje. I ftuar në emisionin “Java” në “Radio Televizioni Shqiptar”, kur u pyet se a do mundet kryeprokurori i përkohshëm të mbyll çështje që ia kërkon politika, Hajdari është përgjigjur se “asnjë dosje që është në hetim nuk mund të mbyllet, para se s’ka kompetenca ligjore e dyta për kohën e shkurtër që do të qëndrojë në detyrë.”
“Prokuroria ishte një sistem i centralizuar që përbëhej nga prokurori i përgjithshëm dhe Këshilli i Prokurorisë. Që nga viti 2002 ne kemi zgjedhur procesin e rekrutimit në prokurorinë e përgjithshme.
Kam qenë nga ata njerëz që para 10 vitesh kam kërkuar një ligj decentralizimi e kryeprokurorisë, ndërsa Llalla e refuzoj këtë gjë. LLalla ka pasur të gjithë klimën e favorshme politike për të bërë punën e tij.
Janë dy momente që zoti Llalla nuk mund të qëndronte më në krye të kryeprokurorisë, e para për shkak se mandati mbaroj, por dhe për shkak të performancës së tij.
Shume mirë që po zgjedhim një kryeprokuror të përkohshëm, një pjesë prej tyre i njoh dhe me disa prej tyre kam punuar. Pavarësisht dëmit që është bërë deri më tani në kryeprokurori ka gjithashtu mundësinë që të rikuperohen. Prokurori i Përgjithshëm i Përkohshëm ka katër detyra themelore.
E para të mos ndërhyjë në çështjet që janë në hetim, përfshirë që nga të thjeshtat e deri tek ato të rëndësishmet.
E dyta të mos përdori autoritetin për të bërë transferime dhe komandime.
E treta t’i rrijë larg konferencës së prokurorëve kur do të mblidhen për të zgjedhur 6 prokurorët.
E katërta t’i bëjë vlerësimet e punës duke ngritur grupe pune prokurorësh të cilët i kontrollojnë me sinqeritet dosjet e prokurorëve. Ju garantoj që një pjesë e madhe e kolegëve të mi, do të dalin jashtë sistemit.
Edhe prokurori i përkohshëm do t’i nënshtrohet procesit të vettingut. Pas krijimit të Këshillit të latë të prokurorisë nuk ka asnjë pengesë për të zgjedhur Kryeprokurorin. Prokurori i përkohshëm uroj që mos të zgjasë më shumë se 6 muaj.
Për të qenë kryeprokuror i përkohshëm, nuk ka të drejtë morale që të kandidojë për kryeprokuror një drejtues i prokurorive lokale. Më zotin Ferdinand Elezi kam miqësi por po flas nga ana parimore.
Dy zonjat plotësojnë kushtet për mua për të përmbushur katër prioritetet që ka prokurori i përkohshëm. Janë dy kandidaturat që i përmbushin kriteret ligjore dhe të afta që të punojnë në pozicionin e përkohshëm.
Kryeprokurori i përkohshëm do të kontrollojë punën e prokurorëve të tjerë, ndaj duhet të jetë i ndershëm.
Do të marri dhe pak kohë që të pastrohet Prokuroria nga prokurorët e korruptuar por dhe kur të krijohen organet e tjera që ndihmojnë prokurorinë atëherë do të kemi nga ata prokurorë që do të përmbushin misionin e tyre që kokat e krimit si thotë Donald Lu të shkojnë përpara drejtësisë,” tha Hajdari.
