Kombëtarja është duke përgatitur miqësoren në Antalia, për tu përballur me Turqinë. Në ekip janë dy emra të rinj që janë ftuar nga Panucci për tu testuar në këtë miqësore. Është Astrit Hjdareviç dhe Kamer Qaka, të cilët edhe janë prononcuar për mediat, ku kanë folur rreth momentit që kanë marrë ftesën dhe si i kanë pritur në ekip.
Hjdareviç: Jam ndjerë shumë mirë në këtë grup lojtarësh. Kisha vite që e pres këtë ftesë dhe jam shumë i lumtur që u realizua. Kam luajtur për Suedinë dhe kam qenë kapiten, por gjithmonë ndjehesh shqiptarë. Është një grup mjaft i mirë dhe është e lehtë të përshtatesh, më pëlqen konkurrenca, por shpresoj të luaj disa minuta të tregoj veten. Luaj si mesfushor ofensiv pasi e ndjej veten mjaft mirë, mund të bëj edhe role të tjera.
Qaka: Kisha që i vogël që shikoja kombëtaren dhe ëndërroja të isha pjesë e saj, pas telefonatës kam shpërthyer në lot. Më kanë bërë shumë krenarë që më kanë grumbulluar në këtë ekip kaq të fortë dhe cilësorë. Mjafton që të aktivizohem nuk kanë rëndësi minutat, e rëndësishme është që të fitojë ekipi. Besoj se me këtë grup lojtarësh do të ecim shumë lart.
